दार-ए-सलाम, टांझानिया मध्ये श्री छत्रपती शिवाजी महाराजांची ३९४वी जयंती
दि. 18 फेब्रुवारी 2024, शनिवार दार-एस-सलाम , टांझानिया , पूर्व आफ्रिका महाराष्ट्र मंडळ टांझानियाच्या बॅनरखाली हिंदुहृदयसम्राट श्री छत्रपती शिवाजी महाराज यांची ३९४ वी जयंती दार-ए-सलाम येथील सनातन धर्म सभेच्या लक्ष्मी नारायण मंदिराच्या सभागृहात मोठ्या थाटामाटात , उत्साहात आणि अभिमानाने साजरी करण्यात आली. महाराजांच्या पुतळ्याची रॅली (मिरवणूक) काढून या उत्सवाचे आयोजन करण्यात आले होते. यासोबतच बाळ शिवाजी आपल्या दोन मावळ्यांसह घोड्यावर स्वार होऊन या रॅलीच्या वैभवात भर घालत होते. या रॅलीत महाराष्ट्र मंडळाच्या महिलांनी पारंपरिक वेशभूषा करून शिवाजी महाराजांच्या पुतळ्यासमोर लेझीम नृत्य केले तर पुरुषांनी जय शिवाजी , जय भवानीचा जयघोष करत संपूर्ण वातावरण उत्साहात भरून काढले. ही मिरवणूक दोन तास चालली , मंदिराच्या मुख्य दरवाजातून मार्गक्रमण करून , सीटी सेंटरला प्रदक्षिणा घालत , मंदिराच्या मुख्य दरवाजापाशी येऊन संपली. या कार्यक्रमाचे प्रमुख पाहुणे चार्ज द अफेयर्स (वर्तमान) भारतीय उच्चायुक्त श्री मनोज वर्मा आणि त्यांच्या पत्नी पूनम वर्मा होते , त्यांच्यासमवेत स्वामी विवेकानंद सांस्कृतिक केंद्राच्या